Sevilla përdori taktika të video-lojës ‘FIFA 20’ për të ndalur goditjet e dënimit nga Messi

Për 16 vitet e kaluara skuadrat kanë provuar, dhe zakonisht nuk kanë arritur, të dalin me mënyra të përpjekjes për të ndaluar Lionel Messin, por të premten mbrëma Sevilla ia doli mbanë me dredhinë e fundit të përdorur gjatë ndeshjes.

Messi ka shënuar 699 gola në karrierë dhe të premten po shpresonte të arrinte shifrën jubilare prej 700 golave kur Barcelona u përball me Sevillan në kuadër të La Ligas.

Ekipi i Julen Lopetegui ka qenë i preferuari i Messit, pasi i ka shënuar më shumë se çdo skuadre tjetër, kështu që gjashtë herë fituesi i Topit të Artë kishte të drejtën të ndjehej i sigurt se do të arrinte objektivin, por nuk ndodhi kështu.

Lexo po ashtu Messin e lëshojnë nervat, godet kundërshtarin por shpëton pa u ndëshkuar nga gjyqtari

Kjo ndodhi pjesërisht edhe për shkak të taktikave që klubi andaluzian përdori për të ndalur goditjet e liga.

Taktikat e tyre kanë bërë bujë të madhe në rrjetet sociale, pasi një lojtar i shtrirë prapa murit dhe një tjetër i vendosur te vija e portës ngjasonte në taktikat e video-lojës FIFA 20.

Messi ka shënuar një 54 gola nga goditjet e lira në karrierën e tij, kështu që nuk është çudi që kundërshtari mbrëmë vendosi të përdorë disa taktika mjaft të pazakonta.

Në një rast, 32-vjeçari argjentinas ishte afër të shënonte, por mbrojtësi i vendosur në vijë të portës arriti ta ndalonte golin.

Në fund, ndeshja përfundoi me barazim pa gola 0-0 dhe Barcelona mbetet tri pikë para vendit të dytë, Real Madridit. /Telegrafi/