Këngëtari i njohur Seven Saraqi këto ditë ka shijuar disa ditë të mira pushimi.
Ai kishte zgjedhur bregdetin e Shqipërisë së bashku me miqtë e tij, për të kaluar disa ditë larg nga rutina e zakonshme.
Teksa në një nga ditët po merrte rreze dielli në plazh, një gazetare e cila po bënte reportazh, rastësisht i ishte afruar për ta marrë në një intervistë të shkurtër.
Mirëpo në momentin që kjo ka ndodhur, Seveni ka reaguar duke i thënë të largohej ose do t’ia thyente kamerën.
Këtë video e cila është transmetuar edhe në TV, këngëtari Saraqi ka vendosur ta ndajë edhe me ndjekësit në InstaStory.
“Qysh ka mundësi me dal me kamerë pa leje në zonë private”, ka shkruar ai në mbishkrimin e videos.
Duket se këngëtari ka qenë vërtet i pakënaqur nga situata e krijuar, gjë për të cilën ka paralajmëruar edhe masa ndëshkuese. /Telegrafi/