Forcat Speciale të Policisë së Kosovës janë parë sot në veri të Mitrovicës.
Lidhur me këtë, zëdhënësi i Policisë së Kosovës për veriun, Branislav Radoviq ka thënë se është duke u zhvilluar një aksion i njësisë kundër narkotikëve e cila po asistohet edhe nga policët lokal.
“Njësia kundër narkotikëve është duke u asistuar nga policia”, ka thënë shkurt Radoviq.
Ai është shprehur se për momentin ka vetëm këto informacione.
Kujtojmë se gjatë ditës së djeshme policia kishte zhvilluar një aksion të tillë në jug të Mitrovicës dhe në Fushë Kosovë ku u konfiskuan mbi 56 kilogramë marihuanë dhe u arrestuan pesë persona. /Telegrafi/