Mesfushori i Sassuolos, Stefano Sensi është i një opsion i janarit për Milanin pasi Lucas Biglia është jashtë fushave për katër muaj shkaku i lëndimit.
Biglia ka luftuar me një sërë problemesh të lëndimeve tash e disa vite.
Por, lëndimi i fundit i tij me Milanin e ka parë atë të detyrohet të qëndroj jashtë fushave për katër muaj.
Kështu, klubi i madh italian duhet të kërkojë një zëvendësim në tregun e transferimeve të janarit për të mbuluar boshllëkun e argjentinasit.
Sipas mediumit italian La Gazzetta dello Sport, objektivi i preferuar i Rossonerëve është talenti italian i Sassuolos, Sensi.
Talenti italian pëlqehet shumë nga drejtuesit e klubit nga San Siro pasi tashmë ka treguar se mund të luajë në formacion 4-3-3 si dhe formacionet 3-5-2 dhe 4-4-2.
23-vjeçari ka siguruar dy asistime në shtatë paraqitje të Serie A këtë sezon.
Shfaqjet e tij kanë bërë përshtypje të mjaftueshme për të fituar një thirrje nga Italia për ndeshjen e Ligës së Kombeve kundër Portugalisë dhe miqësoren me SHBA-në. /Telegrafi/