Senatori i Shtetit Ohio, Andrew Brenner krijoi një sfond virtual të zyrës së shtëpisë për të mbuluar faktin se ai po voziste një veturë gjatë një takimi në Zoom.
Në të njëjtën ditë, u prezantua një ligj për të luftuar ngasjen e rrezikshme të veturës, duke përfshirë ndëshkimet për dërgimin e mesazheve me tekst dhe raportimin drejtpërdrejt gjatë ngasjes, shkruan The Guardian.
Andrew do të kishte arritur të mashtronte njerëzit në mbledhje po të mos kishte qenë rripi në gjoks dhe kthimi i vazhdueshëm i kokës së tij, transmeton Telegrafi.
Në fillim të konferencës video, Brenner u shfaq në një veturë të parkuar. Menjëherë pas kësaj, ai e la thirrjen dhe u shfaq përsëri në të, por me një sfond tjetër, i cili përfshinte dollapë druri, fotografi në mur dhe një lule.
Brenner mohoi të ngiste makinën në mënyrë të pasigurt.
“Nuk u shqetësova. Unë pashë rrugë dhe dëgjova takimin. Në fakt, unë isha në një numër thirrjesh të tjera gjatë ngasjes. Unë nuk i kushtoj vëmendje videos në Zoom. Për mua, është si një telefonatë”, tha Brenner, por edhe kërkoi falje për këtë veprim. /Telegrafi/
