Senati i Universitetit të Prishtinës në mbledhjen e parë të mbajtur në përbërje të plotë që ka dalë nga zgjedhjet e fundit, mori vendim të lejojë afatin e prillit për dy provimet si afat i jashtëzakonshëm, raporton Koha Ditore, ndonëse senatorët dhe kryesuesit e Senatit e kanë pranuar se statuti nuk parasheh afate të jashtëzakonshme për provime.
Në këtë mbledhje ka lobuar e debatuar për afate të jashtëzakonshme të provimeve edhe studenti, Rifat Krasniqi, i cili nuk është anëtar i Senatit.
Ai njihet si kërcënues i ministrit të MASHT-it, Arsim Bajrami, po për lejimin e afatit të jashtëzakonshëm të prillit.
Pas fjalës së tij ka reaguar njëri nga senatorët duke thënë se nuk duhet lejuar që në Senat të vijë e të flasë kush të dojë.
Një kërkesë tjetër e Parlamentit Studentor ishte lejimi i afatit të provimeve për çdo muaj për absolventët, por kjo kërkesë u refuzua në mbledhje.
U vendos që për këtë çështje të diskutohet pasi të zgjidhet rektori. /koha/