Reperi i njohur Ledri Vula dhe Lumi B kanë publikuar dje (e diele) bashkëpunimin e tyre më të ri, këngën dhe kripin “Krejt shokt e mi”.
Nuk u deshën as 24 orë që kjo këngë të bie menjëherë në veshin e dëgjuesve dhe të shpërndahet gjithandej.
Edhe klikimet e marra nuk kanë qenë të pakta, madje Telegrafi raporton se në më pak se 12 orë, shifrat e klikimeve në YouTube për këngën “Krejt shokt e mi”, kanë qenë mbi 230 mijë.
Por, duket se suksesi i madh i kësaj kënge po pasohet nga “mësyshi” siç thotë populli. Kjo pasi reperi Ledri Vula sot (e hënë) është gjendur në spital duke marrë trajtim mjekësor, shkas i gjendjes jo të mirë shëndetësore.
Ai ka publikuar në rrjetin social SnapChat një fotografi, ku shfaqet duke marr një infuzion në dorën e tij, gjersa në mbishkrimin e fotografisë shkruan “Per mësysh e kena”.
Kënga “Krejt shokt e mi” është punuar nga producenti i njohur Big Bang, gjersa vargjet e teksit i kanë shkruar vet reperët. /Telegrafi/
