Semiautomatik – reperi i ri nga labeli “PINT” ka lansuar këngën e radhës nga albumi “LOTUS VOL.1”.
Ai ka prezantuar projektin e ri muzikor të quajtur “Ftoft” njëherësh të pestin me radhë nga albumi.
“El Padre” me MC Kreshën, “My B Your G”, “Vront”, “Paret” në bashkëpunim me Kreshnique – janë projektet e mëparshme të Semiautomatik.
Për tekstin dhe beatin e këngës së fundit është kujdesur vet reperi, ndërsa miksimi dhe masterizimi u bë nga K-Master.
Edhe këtë këngë tashmë mund ta gjeni të plotë në kanalin zyrtar të “PINT” në YouTube.
Krahas postimit, komentet dhe reagimet e fansave kanë qenë mjaft pozitive madje shumë prej tyre e krahasuan me reperin MC Kresha.
“Është publikuar tanimë ‘Ftoht’. Kënga e fundit nga albumi Lotus Vol.1. Për të gjithë të vërtetët, të gjithë ata që kanë dhënë mbështetje e dashuri pak ose shumë, nuk ka lidhje. Shumë dashuri. Për pjesën tjetër mos u brengosni, do të vijë me albumin e dytë. Prej sot EP-në mund ta gjeni edhe në platformat e tjera muzikore”, ka shkruar reperi në një postim në rrjete sociale. /Telegrafi/