Rep-artisti shqiptar, Semiautomatik, është ndër më të pëlqyerit në industrinë muzikore.
Që në paraqitjen e parë ai ka arritur të dëshmojë se është i veçantë në skenë, e po ashtu edhe në shkruarjen e teksteve.
Gjatë ditës së sotme (e premte), reperi ka bërë të ditur se ka lansuar projektin e tij më të ri muzikore.
Një gjë të tillë e ka bërë përmes rrjetit social Instagram, teksa ka ndarë sekuenca nga xhirimet e klipit.
“Gas” titullohet kënga për instrumentalin dhe tekstin e së cilës ka punuar vetë artisti, ndërsa për miksimin dhe masterizimin është përkujdesur K-Master.
Në klip ai shihet me veshke unike, ndërsa dominojnë më shumë ngjyrat e errët, ku për vizualitetin e kësaj të fundit ka punuar Andi Dautaj.
Theksojmë se “Meniher” është hiti i tij i fundit, që ka rezultuar të jetë mjaft i pëlqyer nga adhuruesit e muzikës së tij. /Telegrafi/
