Deputeti i lëvizjes Vetëvendosje, Rexhep Selimi në seancën e Kuvendit të Kosovës tha se deputetët që kanë votuar Gjykatën Speciale sot dalin e bëhen kinse po i mbrojnë vlerat e luftës.
Ai tha se këta deputetë që kanë votuar Gjykatën Speciale nuk kanë të drejtë të flasin për vlerat dhe mbrojtjen e luftës së UÇK-së, pasi vet ata kanë mbjellë ‘farën’ për t’i dënuar luftëtarët.
“Vetë ua keni ndërtuar burgun, vetë e keni votuar Gjykatën Speciale”, tha Selimi.
“Cilat vlerat e luftës i mbrojnë ata deputetë që me veprimet e tyre i shkelin dhe i dënojnë vlerat e luftës”, tha ai, duke kritikuar këta deputetë, të cilët kanë votuar Gjykatën Speciale etj.
“Vetë keni votuar Gjykatën Speciale, EULEX-in, e sot keni lot krokodili”, tha Selimi. /Telegrafi/