Tre persona janë arrestuar pasi gjatë një kontrolli në banesën e tyre janë gjetur dhe sekuestruar lëndë narkotike, armë zjarri, para të gatshme dhe telefona celularë.
Sipas raportit 24 orësh të Policisë së Kosovës, rasti ka ndodhur të enjten rreth orës 14:30, në Obiliq.
“Janë arrestuar tre të dyshuar meshkuj kosovarë, pasi që gjatë kontrollit të tyre dhe banesës të cilën e përdornin të dyshuarit, janë gjetur dhe sekuestruar: 10 paketime të formave të ndryshme të mbushura me narkotik të llojit marihuanë me peshë të përgjithshme 672.1 gram, 2 paketime të vogla me narkotik të llojit kokainë me peshë prej 0.6 gram, 2 peshore digjitale, një fletore me shënime për shitje të narkotikëve, një armë zjarri e modelit Zoraki 9mm me një karikator, para të gatshme 1940 euro dhe 4 telefona celular”, thuhet në raport.
Tutje bëhet e ditur se me vendim të prokurorit pas intervistimit të dyshuarit janë dërguar në mbajtje. /Telegrafi/