Ish-kancelarja gjermane Angela Merkel ka refuzuar një ofertë pune që i është ofruar në Kombet e Bashkuara nga Sekretari i Përgjithshëm i OKB-së, Antonio Guterres
Guterres i propozoi Merkelit të kryesonte një bord këshillues, të udhëhequr nga ish-krerë të shteteve dhe qeverive, transmeton Telegrafi.
“Merkel javën e kaluar bisedoi me Sekretarin e Përgjithshëm të Kombeve të Bashkuara, falënderoi dhe i është përgjigjur në ofertën e bërë”, ka njoftuar zyra e ish-kancelares gjermane për agjencinë dpa.
67-vjeçarja pas zgjedhjeve parlamentare, pati paralajmëruar se nuk do të kandidohet më, pasi për 16 vite kreu detyrën e kancelares – duke njoftuar se po tërhiqet nga politika.
E pasuesi i saj është socialdemokrati Olaf Scholz, i cili ishte ministër i Financave në koalicionin qeverisës. /Telegrafi/