Sekretari i Përgjithshëm i OKB-së, Antonio Guterres foli për shtypin me një sërë pikash bisedimesh që ai synon t’i paraqesë Këshillit të Sigurimit në mes të katastrofës humanitare në rritje në botë shkaku i luftërave.
Guterres pohoi se edhe luftërat kanë rregulla dhe se duhet të respektohen ligjet ndërkombëtare humanitare.
“Edhe luftërat kanë rregulla. Ligji ndërkombëtar humanitar dhe ligjet për të drejtat e njeriut duhet të respektohen dhe zbatohen; civilët duhet të mbrohen dhe të mos përdoren kurrë si mburoja”, pohoi ai.
UN Secretary General: Even wars have rules
UN Secretary-General António Guterres spoke to the press with a set of talking points he intends to deliver to the Security Council amid the growing humanitarian catastrophe:
🔹 "Even wars have rules. International humanitarian law and… pic.twitter.com/z38IO7AI4c
— NEXTA (@nexta_tv) October 13, 2023
Guterres më tutje deklaroi se të gjitha pengjet në Gaza duhet të lirohen menjëherë dhe pa kushte.
“Është thelbësore që të gjitha palët – dhe të gjithë ata që kanë ndikim mbi to – të bëjnë gjithçka që është e mundur për të përmbushur këto hapa”, deklaroi shefi i OKB-së.
“Dhe në fund, dua të them diçka për urrejtjen e nxitur nga ky konflikt i tmerrshëm – në të gjithë Lindjen e Mesme dhe në mbarë botën. Gjuha kryqëzuese që nxit dhunën nuk është kurrë e pranueshme. Unë u bëj thirrje të gjithë liderëve të flasin kundër antisemitizmit, intolerancës myslimane dhe të gjitha format e gjuhës së urrejtjes”, përfundoi Guterres. /Telegrafi/