Sekretari i Përgjithshëm i NATO-s, tregon nëse Aleanca do të dërgojë trupa në Ukrainë në rast se pushtohet nga Rusia

Sekretari i Përgjithshëm i NATO-s, Jens Stoltenberg, ka thënë të premten se Aleanca nuk planifikon dërgimin e forcave ushtarake në Ukrainë.

Gjatë një interviste dhënë për BBC-në, Stoltenberg tha se do të ketë “pasoja tjera” nëse Rusia pushton Ukrainën, transmeton Telegrafi.

Ai theksoi se Ukraina është një “partner shumë i çmueshëm”, por NATO nuk planifikon të dërgojë trupa luftarake në Ukrainë.

Madje pranoi se vendet anëtare të NATO-s, kanë “disa dallime” kur bëhet fjalë për përkrahjen që do të duhej t’i ofronin Ukrainës.

Në anën tjetër, bëri të ditur se ka qind për qind dakordim” se Aleanca do të mbrojë territorin e NATO-s, që do të thotë se të mbronte cilindo vend anëtarë nëse sulmohet. /Telegrafi/