Paul Scholes beson se Manchester United duhet të përpiqen dhe të nënshkruajnë me Luka Modric ose Toni Kroos nga Real Madridi.
Duke folur pas humbjes së ish-klubit të tij në Feyenoord në kuadër të Ligës së Evropës, Scholes ka thënë se United kishte nevojë për një partner të mesfushorit qendror për nënshkrimin ri Paul Pogba, i cili mund të kontrollojë lojën dhe të lejojë që loja e francezit të lulëzojë.
“Unë mendoj se Mourinho duhet të shkojë në treg për një mesfushor kontrollues, i cili mund të kontrollojë se ku Paul shkon dhe të kontrolloj lojën”, ka thënë 41-vjeçari për BT Sport, transmeton Telegrafi.
“Mendoj se ata ende kanë nevojë për atë lloj të lojtarit. Një Luka Modric apo Toni Kroos, dhe unë mendoj se këta lojtarë janë në dispozicion. Paul Pogba do të jetë shumë më mirë duke luajtur së bashku me njërin prej tyre”.
Çdo veprim për njërin apo dyshen duket i pamundur në këtë moment, me të dy që thuhet se janë shumë të lumtur me jetën në kryeqytetin spanjoll, me klubin dhe gjithçka çka i rrethon. /Telegrafi/