Patrik Schick beson se Roma ka mundësi që të shënojë tri gola të mërkurën teksa Liverpooli nuk është i fortë në mbrojtje si në sulm.
Giallorosët humbën me rezultat 5-2 në ndeshjen e parë e cila u zhvillua në Anfield.
Përkunër rezultatit të thellë, pas rikthimit ndaj Barcelonës kritikët po refuzojnë që të hedhin poshtë Romën si të eliminuar nga gara dhe kështu mendon edhe Schick.
“Si ndaj Barcelonës, do të ketë atmosferë të shkëlqyer”.
“Do të jetë edhe më e madhe ndaj Liverpoolit. Në fund të ndeshje së parë e kemi parë se Liverpooli nuk është i fortë në mbrojtje sa në sulm, kështu që kemi mundësi të shënojmë tri gola në shtëpi”.
“Për mendimin tim ne dueht të dalim në fushë pa frikë me përkushtim dhe guxim të madh”, deklaroi Schick.
Tifozët e të dyja klubeve kanë pasur përplasje fizike dhe tensione priten edhe para ndeshjes së parë, kurse Schick ka bërë thirrje për maturi. /Telegrafi/