Mesfushori i talentuar gjerman, Max Meyer nuk dot ë vazhdoj karrierën e tij te Schalke 04.
Kontrata e gjermanit me Schalken skadon në fund të këtij edicioni dhe ai nuk ka pranuar vazhdimin e saj.
Largimin e tij nga klubi e ka konfirmuar edhe drejtori sportiv i Schalkes, Christian Heidel.
“Meyer do të largohet në fund të këtij edicioni nga Schalke. Jemi duke e menaxhuar me profesionalizëm këtë situatë”.
“Max ka dhënë shumë për klubin dhe nuk do të ketë fjalë të këqija nga asnjëra palë”.
“Lojtari po e planifikon të ardhmen e tij ashtu si ne që jemi duke planifikuar të ardhmen pa të”, përfundoi Heidel.
22-vjeçari është bërë ndër lojtarët më të kërkuar nga skuadrat e mëdha evropiane.
Në Gjermani Bayern Munich, Borussia Dortmund dhe RB Leipzig janë vënë pas tij.
Ndërkohë Meyer ka zgjuar interesimin e dy gjigantëve italian Roma dhe Milan.
Reprezentuesi i Gjermanisë po kërkohet edhe në Angli nga Arsenal, Tottenham, Liverpool dhe Chelsea.
Ndërkohë Barcelona dhe Atletico Madrid janë skuadrat spanjolle që e duan atë.
Meyer pritet të vendosë të ardhmen e tij para fillimit të kampionatit botëror Rusia 2018. /Telegrafi/