Maurizio Sarri është kthyer në stërvitje me ekipin në qendrën stërvitore Continassa.
Menaxheri i Juventusit, është kthyer në punë dhe kjo u komunikua nga klubi me një njoftim zyrtar, duket treguar si ai sot e drejtoi stërvitje.
Pas ndeshjes me Napolin, lojtarëve iu dha një pushim tre-ditor, ndërsa një pjesë tjetër është drejtuar në kampet e kombëtarëve përkatës ku janë ftuar.
Siç zbulohet më tej nga njoftimi, Gonzalo Higuain dhe Douglas Costa munguan sot në stërvitje, pasi të dy shfrytëzuan pushimin shtesë.
Edhe nesër në seancë stërvitore do të marrë pjesë Sarri.
Trajneri ende po shërohet nga pneumonia, që e mbajti atë jashtë për dy ndeshje.
Bianconerët po punojnë për ndeshjen kundër Fiorentinës që zhvillohet në fundjavën e ardhshme. /Telegrafi/