Maurizio Sarri ka bërë të ditur se kritikët e ka identifikuar atë si taliban shkaku i stilit të lojës së tij.
‘Sarriball’ është nofka me të cilën identifikohet ish-trajneri i Chelseat, por ai ka zbuluar se në Itali ka një emërtim tjetër.
“Mua më cilësuan taliban sepse doja të luaj në stilin tim të futbolli, tani nuk jam mjaftueshëm i mirë sepse i jam përshtatur karakteristikave të ndryshme të lojtarëve të mi”, ka thënë Sarri.
“Nëse do të duhej t’i dëgjoja ose t’i lexoja gjërat që thuhen për Juventusin, unë do të çmendesha. Unë vetëm duhet të eci përpara me punën time”.
“Unë do të doja ta shihja skuadrën më konsistente dhe me qasje më specifike, mirëpo ne duhet t’i marrin parasysh edhe të gjitha karakteristikat e ndryshme të lojtarëve”.
“Ne do të përmirësohemi në shumë aspekte, por unë s’mund të gjykoj në bazë të shijes personale dhe kundër personaliteteve të lojtarëve që i kam. Skuadra duhet të bashkohet nga idetë dhe kemi vend për përmirësime”, ka shtuar më tej italiani.
Sarri nuk ka arritur të përshtatet edhe aq në filozofinë e lojës së Juventusit, pasi ndeshjet po arrin që t’i fitojë me shumë vështirësi dhe po pranojnë shumë gola. /Telegrafi/