Trajneri i Chelseat, Maurizio Sarri është një tifoz i madh i futbollistit anglez Callum Hudson-Odoi.
Talenti anglez ka qenë në qendër të afatit kalimtar të janarit pasi Bayern Munich këmbëngulte për transferimin e tij.
Por duket se Chelsea do ta mbajë lojtarin dhe do të shesë njërin nga yjet e ekipit.
Ka qenë trajneri Maurizio Sarri që ka konfirmuar këtë gjë.
“Ne e duam atë pasi është një lojtarë me të ardhme të ndritur”.
“Nuk mund t’i garantojmë që do të luajë të gjitha ndeshjet si titullar, por aktualisht po bënë mirë kur po i ka mundësitë e tij”, tha Sarri.
Tutje trajneri italian ka thënë se nëse qëndron Hudson-Odoi në klub atëherë duhet të largohet njëri nga Hazard, Willian apo Pedro.
“Kemi shumë lojtarë të mirë në krahët e sulmit dhe nëse Hudson-Odoi do të qëndronte atëherë Willian, Hazard apo Pedro do të largohen”, ka thënë Sarri.
Përveç Bayern Munichut, në garë për talentin anglez është futur edhe gjiganti francez Paris Saint Germain. /Telegrafi/