Sulmuesi anësor i Manchester Cityt, Leroy Sane thuhet se dëshiron të transferohet te Bayern Munich gjatë afatit kalimtar të janarit.
Sane ka humbur gjysmën e parë të sezonit 2019-20 për shkak të një dëmtimi të rëndë në gju dhe nuk do të rikthehet në fushë deri në vitin e ri.
Megjithatë, ylli gjerman nuk ka të ngjarë të rikthehet tek ekipi i Pep Guardiolas pasi dëshiron kthimin në Bundesliga.
Sipas gazetës gjermane Bild, Sane ka vendosur dhe dëshiron të bashkohet me Bavarezët.
23-vjeçari do të preferonte të transferohej te Allianz Arena në janar, por është i gatshëm të presë deri në verë për të nënshkruar një largim nga Etihad.
Gjermani u kërkua edhe në verë nga kampioni gjerman, por një transferim prej 100 milionë eurosh dështoj të materializohet. /Telegrafi/