Mbrëmë janë zhvilluar nëntë ndeshje në ligën më të fortë të basketbollit në botë.
Golden State Warriors ka pësuar edhe një humbje në prag të ‘paly-off’ të NBA-s, ku do të përpiqet ta mbrojë titullin e fituar sezonin e kaluar.
‘Luftëtarët’ pësuan humbje kundër skuadrës teksasiane të San Antonio Spurs me rezultat 111:105.
Çereku i dytë dhe katërt ishte vendimtar për ‘mamuzat’, ku treguan cilësitë e tyre dhe i shkaktuan humbje kampionit.
Basketbollisti më efikas te bardhezinjtë ishin DeMar Derozan, i cili regjistroi 26 pikë ndërsa LaMarcus Aldrige regjistroi ‘double-double’ në saje të 23 pikëve dhe 13 kërcimeve.
Te Warriors më i miri ishte Stephen Curry me 25 pikë ndërsa një më pak e shtoi Kevin Durant, por që nuk ishin të mjaftueshme për të shmangur humbjen.
Pas kësaj, Golden State zë pozitën e parë të Konferencës Perëndimore gjersa San Antonio është në vendin e gjashtë të renditjes tabelore. /Telegrafi/
Rezultatet tjera:
Cleveland 126:119 Detroit
Washington 95:116 Utah
Boston 105:114 Denver
Toronto 128:92 New York
Oklahoma City 107:116 Miami
Dallas 125:129 New Orleans
Phoenix 101:116 Chicago
Portland 106:98 Indiana
