Sot do të nis punimet samiti i 11-të i Brdo-Brijuni në Slloveni, ku do të diskutohet për situatën në Ballkanin Perëndimor.
Në mesin e shumë të pjesëmarrësve, e pranishme do të jetë edhe presidentja e Kosovës, Vjosa Osmani.
Sipas një njoftimi të lëshuar nga zyra e presidentit slloven, Borut Pahor i cili do të jetë edhe nikoqir i këtij samiti, pjesëmarrjen e kanë konfirmuar edhe presidenti i Kroacisë, Zoran Milanoviq, presidenti i Malit të Zi, Milo Gjukanoviq, tre anëtarë të presidencës së BeH-së, Zheljko Komshiq, Milorad Dodik dhe Shefik Xhaferovic, presidenti i Maqedonisë së Veriut, Stevo Pendarovski, presidenti serb Aleksandar Vuçiq, dhe presidenti i Shqipërisë, Bajram Begaj i cili merr pjesë për herë të parë në këtë takim.
“Takimi i liderëve në samitin e Brdo-Brijune këtë herë do të jetë një mundësi për të vlerësuar situatën aktuale në rajon dhe mbi të gjitha për t’u bërë thirrje anëtarëve dhe institucioneve të Bashkimit Evropian që të përshpejtojnë procesin e zgjerimit. Udhëheqësit do të jenë gjithashtu në gjendje të shkëmbejnë pikëpamjet për çështje të tjera aktuale në një atmosferë joformale”, thuhet në njoftim.
Iniciativa e Procesit Brdo-Brijuni u krijua në vitin 2010. Në më shumë se një dekadë, nisma e Procesit Brdo–Brijuni u vendos si iniciativa më e rëndësishme politike e këtij lloji në Evropën Juglindore, dhe Procesi i Berlinit më vonë doli prej saj. /Telegrafi/
[VIDEO] Predsednik republike Borut Pahor na delovni večerji gosti voditelje, ki so že danes prispeli v Slovenijo za jutrišnji vrh Brdo-Brijuni Proces. pic.twitter.com/s1XUx1lDgX
— Borut Pahor (@BorutPahor) September 11, 2022