Këngëtarja e njohur nga Shqipëria, Samanta Karavella, ka paralajmëruar së fundmi një projekt të ri muzikor.
Lajmin e ka bërë të ditur me anë të një postimi të shpërndarë me ndjekësit në rrjete sociale.
Zeshkania ka hedhur një video të shkurtër në Instagram, duke iu zbuluar fansave pak nga klipi i ri.
Siç njofton më tej, ky projekt mban titullin “Kush je” dhe se pritet të publikohet nesër (e enjte).
“Kush je /03.08/17:00”, ka shkruar ajo.
Kjo vjen dy muaj pas bashkëpunimit me artistin Capital T, kënga e të cilëve titullohet “Jena 2”.
Samanta përndryshe prej vitesh bën një jetë mes Shqipërisë dhe Amerikës. /Telegrafi/