Mohamed Salah mund të jetë futbollisti i radhës që largohet nga Liverpooli dhe karrierën ta vazhdoj në Arabinë Saudite.
Sulmuesi egjiptian ka shtatë vite që është pjesë e The Reds dhe aventura e tij në Anfield mund të përfundojë këtë verë.
Përkundër se ai ka kontratë me Liverpoolin deri në verën e vitit 2025, nuk e ka përjashtuar mundësinë e transferimit në Arabinë Saudite.
Pas transferimit të Karim Benzemas, N’Golo Kantes e Fabinhos, Al Ittihad po mendon të afrojë edhe sulmuesin egjiptian në afatin kalimtar veror.
Sipas raportimeve të medieve angleze, klubi saudit tashmë synon transferimin e një tjetër ylli dhe ai është Mohamed Salah.
Al-Ittihad raportohet se është duke punuar për këtë lëvizje dhe është i gatshëm për të paguar një shumë “stratosferike” që të sigurojë shërbimet e egjiptianit.
Raportimet e fundit thonë se klubi arab po përgatitë ofertën për Liverpoolin, derisa për Salah do të ishte gati një kontratë tre vjeçare me pagë prej rreth 150 milionë euro në sezon. /Telegrafi/