Mohamed Salah ka bërë shaka me James Milner nëse ka planifikuar pushime pas fitores dramatike të Liverpoolit ndaj Barcelonës në Ligën e Kampionëve.
Djelmoshat e Jurgen Klopp ishin pothuajse të eliminuar, pasi ndeshjen e parë në Camp Nou e kishin humbur 3-0, gjersa mbrëmë në Anfield bënë rikthim sensacionale prej 4-0.
Salah mungoi në ndeshjen e dytë për shkak të lëndimit të pësuar në ndeshjen ndaj Newcastle në fundjavën e kaluar në Ligën e Premier, por që ishte i pranishëm në stadium.
Egjiptiani zbriti në fushë pas ndeshjes që të festonte së bashku me bashkëlojtarët, duke bërë shaka edhe me Milner.
“A ke planifikuar që të shkosh në pushime?”, i ka thënë Salah, mesfushorit të Liverpoolit.
Duket se dyshja e skuadrës angleze duhet të shtyjnë pak pushimet pasi do të shkojnë në Madrid për finale pas këtij triumfi të madh në Ligën e Kampionëve. /Telegrafi/
