Manchester United po udhëheq garën për legjendën e Liverpoolit, Sadio Mane, i cili duket se do të largohet nga Bayern Munich këtë verë.
Pas sulmit fizik ndaj shokut të skuadrës Leroy Sane, bavarezët i bënë të qartë senegalezit se nuk llogarisin më tek ai dhe Mane është afër rikthimit në Ishull, por jo në Liverpool, por në rivalin më të madh të Reds.
Sky Sport gjerman pretendon se Man United dhe Newcastle janë në garë për Mane, por se klubi nga “Old Trafford” ka avantazhin.
Mediat angleze shkruajnë se senegalezi ishte në prag të transferimit te Man United para se të vinte në Liverpool, por ndryshoi mendje në momentin e fundit.
Kujtojmë se Mane mbërriti në Bayern Munich nga Liverpooli në verën e vitit të kaluar për 32 milionë euro.
Edhe pse ai supozohej të pasonte Roberto Lewandowski, i cili u transferua te Barcelona, Mane shënoi 12 gola dhe asistoi pesë gola në 36 paraqitje.
Kontrata e tij është e vlefshme deri në verën e vitit 2025 dhe aktualisht vlerësohet me 45 milionë euro. /Telegrafi/