Sulmuesi i Kombëtares së Shqipërisë, Armando Sadiku ka thënë se është optimist për ndeshjen e Kampionatit Evropian për të arritur synimin e kryesor, kalimin e fazës së grupeve.
Sadiku në fitoren prej 3 me 1 kundër Katarit ishte një nga golashënuesit, transmeton Koha.net.
Ai u inkuadrua në pjesën e dytë të ndeshjes, ndërsa tha se një gjë e tillë nuk i pengon pasi është vendimi i trajnerit kë ta vendos në 11-shen startuese, dhe një gjë të tillë ka thënë se do ta raspektojë gjithmonë, ndërsa ka theksuar se gjithmonë do ta jep maksimumin e tij për Kuqezinjtë.
“Unë i pranoj vendimet e trajnerit, si rezervë ashtu edhe startues, gjithmonë do të jap 100 për qindëshin tim. Për Evropian kam besim të madh te skuadra, dhe me ndihmën e zotit do ta kalojmë grupin, jam optimist se do t’ia dalim”, është shprehur Sadiku pas takimit për Supersport.
Futbollisti i Zurichut, i cili ishte i huazuar në këtë sezon te Vaduzi ka thënë se të ardhmen e tij do ta vendos vetëm pas Evropianit.