Mesfushori i RB Leipzig, Marcel Sabitzer thuhet se dëshiron të bashkohet me rivalët e Bayern Munich, pas interesimit të këtyre Bavarezëve.
Lojtari me tipare sulmuese ka bërë përshtypje të mirë në Bundesliga gjatë sezoneve të fundit.
Ai është kapiten i klubit të RB Leipzig, por ka të ngjarë të shitet para mbylljes së afatit kalimtar të transferimeve të verës.
Sipas gazetës Bild, Sabitzer është i etur për t’u bashkuar me kampionët gjermanë dhe për të konkurruar për një vend titullari.
Sabitzer ka një kontratë deri në fund të sezonit, që do të thotë se Leipzig mund ta humbasë atë falas në verën e ardhshme.
27-vjeçari preferon të qëndrojë në Gjermani, por gjithçka varet nga Bayerni që duhet të grumbullojë paratë që Leipzig po kërkon për shitjen e Sabitzer. /Telegrafi/