Artisti nga Shqipëria, Sabiani, ditën e sotme (e mërkurë) ka publikuar projektin e ri muzikor.
“Për ju” mban titullin kënga, të cilën njëherësh e ka sjell në bashkëpunim me Helios.
Kjo duket të jetë bërë për qëndrimin e tij brenda shtëpisë së Big Brother VIP, momentet që ka kaluar e po ashtu edhe për gjetjen e një miku të ngushtë si balerinin, Ilir Shaqiri.
Në YouTube është shkruar: “Hyra në Big Brother për të testuar veten dhe pse jo që njerëzit të njihnin Sabianin e vërtetë. Çmimi është dashuria që dhuroni pa kushte. Malli për fëmijët e mi dhe gjetja e një vëllai gjatë këtij rrugëtimi”.
Videoja gjithashtu është kompletuar me befasitë e momentet më të mira të këngëtarit në shtëpinë më të famshme në Shqipëri.
Kjo është kënga e dytë e konkurrentit që e lansoi pas daljes nga Big Brother, pas “Tradhtare”.
Projekti paraprak deri më tani ka kaluar shifrën e një milion klikimeve në platformën YouTube. /Telegrafi/
