Artistët shqiptarë, Sabiani dhe Marseli, kanë publikuar sot (e mërkurë) projektin e ri muzikor.
“Zemra” mban titullin kënga e tyre, të cilën e kanë kompletuar edhe me videoklip.
Këngëtarët e njohur vijnë me një interpretim të mahnitshëm në projektin që tashmë ndodhet në platformën YouTube.
Përveç kësaj, kjo këngë është e disponueshme edhe në Spotify e iTunes.
Teksti është shkruar nga Just X, muzika nga Marsel Gunga si dhe producent ekzekutiv është vet Sabiani.
Videoja vlen të ceket se u realizua nga Magic Production.
Sabiani ka qenë në vëmendje mjaft shumë gjatë këtij viti për shkak të pjesëmarrjes në Big Brother VIP Albania 2. /Telegrafi/
