Rusia ka vendosur një raketë balistike ndërkontinentale të avancuar në detyrë luftarake, sipas agjencive ruse të lajmeve.
Raketa Sarmat – e riemëruar Satan II – ka kapacitetin të mbajë koka të shumta bërthamore, transmeton Telegrafi.
“Kompleksi strategjik Sarmat është vënë në detyrë luftarake”, tha Yury Borisov, drejtori i përgjithshëm i korporatës shtetërore të hapësirës Roscosmos.
Rreth dy muaj pasi nisi pushtimin e Ukrainës, presidenti rus Vladimir Putin, tha se Sarmat “do të ofronte sigurinë e Rusisë nga kërcënimet e jashtme, dhe do të bënte të mendojnë dy herë këdo që kërcënon Rusinë. /Telegrafi/
