Nënkryetari i Komunës së Podujevës, Nexhmi Rudari ka njoftuar se 35 mostrat e marra sot për testim për coronavirus nga kjo komunë, kanë rezultuar negativë.
Rudari e ka quajtur lajm të mirë këtë, teksa ka bërë thirrje të qytetarët që të qëndrojnë në shtëpi, transmeton Telegrafi.
“Lajm shumë i mirë. Nga 35 mostrat e marra sot për testim për COVID-19 nga Komuna e Podujevës, të gjitha kanë rezultuar negativë. Faleminderit Zotit #rriNshpi”, ka shkruar ai në profilin e tij zyrtar në Facebook.
Ndërkaq, sonte Instituti Kombëtar i Shëndetësisë Publike në Kosovë ka njoftuar se janë konfirmuar edhe 34 raste me COVID-19, duke çuar kështu në 703 numrin e personave të infektuar me virus.
IKSHPK ka bërë të ditur se rastet pozitive janë raste kontakti, (15) raste nga komuna e Gjilanit (6) raste nga komuna e Prizrenit, (5) raste nga komuna e Ferizajit, (2) raste me vendbanim në Rahovec, (2) raste nga komuna e Dragashit dhe me nga (1) rast vendbanimet: Prishtinë, Skenderaj, Lladrovc-Malishevë dhe Zveçan./Telegrafi/
