Në “Rubikon” të KTV, sot është debatuar puçi i dështuar ushtarak në Turqi. Në emision, të ftuar ishin: ekspertët e sigurisë, Fadil Kajtazi dhe Agim Musliu; analisti Dardan Gashi; si dhe deputeti i Kuvendit të Kosovës dhe kryetari i partisë Fjala, Gëzim Kelmendi.
Debati u karakterizua me tensione e aty nuk munguan as akuzat e fyerjet. Kjo ka shtyrë udhëheqësin e emisionit, Adriatik Kelmendi, të shkruajë në Facebook se që 12 vite nuk ka pasë mysafir pa trohë etike, duke aluduar në Gëzim Kelmendin të cilit ia ndal mikrofonin.
Debati ishte i ashpër, kryesisht për shkak të qëndrimeve kundër Erdoganit dhe pro tij që mbështeste Kelmendi.
Debatin e plotë, që shpesh devijonte nga tema, mund ta shikoni më poshtë. /Telegrafi/
