Një person duke drejtuar traktorin e tij ka humbur kontrollin duke përfunduar jashtë rruge.
Sipas raportit të Policisë së Kosovës, rasti ka ndodhur të enjten rreth orës 19:30 në rrugën lokale “Bushincë-Carevc”, në Novobërdë.
Siç thuhet në raport, përveç dëmeve materiale lëndime vdekje prurëse ka pësuar pasagjeri, vdekjen e të cilit e ka konstatuar ekipi mjekësor në vendin e ngjarjes, ndërsa i dyshuari është dërguar në QKUK për trajtim të nevojshëm mjekësor.
“Është raportuar se i dyshuari mashkull kosovar duke drejtuar traktorin e tij ka humbur kontrollin duke përfunduar jashtë rruge. Përveç dëmeve materiale lëndime vdekje prurës ka pësuar pasagjeri mashkull kosovar, vdekjen e të cilit e ka konstatuar ekipi mjekësor në vendin e ngjarjes ndërsa i dyshuari është dërguar në QKUK për trajtim të nevojshëm mjekësor. Me vendim të prokurorit trupi i pajetë i viktimës është dërguar në IML për obduksion”, thuhet në raport. /Telegrafi/