Numri i të punësuarve në Bashkimin Evropian dhe në Eurozonë në tremujorin e dytë të 2018 u rrit për 0.4 për qind krahasuar me tremujorin paraprak.
Sipas Eurostat, përcjell Telegrafi, punësimi në tremujorin e parë 2018 në Bashkimin Evropian ishte 0.5 për qind, ndërsa në Eurozonë 0.4 për qind.
Krahasuar me tremujorin e njëjtë të vitit paraprak, punësimi në vendet e Bashkimit Evropian u rrit për 1.4 për qind dhe në Eurozonë 1.5 për qind.
Eurostat tregon se në tremujorin e dytë 2018, 238.9 milionë persona ishin të punësuar në vendet e Bashkimit Evropian, prej të cilëve 158 milionë ishin në Eurozonë.
Për sa i përket punësimit në vendet anëtare të Bashkimit Evropian, Estonia së bashku më Maltën kishin punësimin më të madh prej 1.3 për qind, ndjekur nga Polonia me 1.2 për qind, Qipro me 1 për qind dhe Luksemburgu me 0.9 për qind, ndërsa rënie të punësimit kishte në Latvi, Portugali dhe Rumani me 0.3 për qind dhe Bullgari me 0.2 për qind. /Telegrafi/