Gjatë ditës së djeshme, epidemiologët shënuan më tepër se dyfishim të numri të të infektuarve me coronavuris për dallim nga dita e mëhershme kur u regjistruan 25 persona.
Kreu i LSDM-së. Zoran Zaev akuzoi se kjo është pasojë e drejtpërdrejtë e mospunës së ministrit teknik, Naqe Çulev ndërsa ai këtë rritje të të infektuarve e vlerëson si pasojë e drejtpërdrejt e faktit se Qeveria në vend të politikave thelbësore ka bërë PR në lidhje me coronavirusin, përcjell Telegrafi Maqedoni.
Ministri Venko Filipçe theksoi se përsëri do të vendosen masa kufizuese për disa vende nëse këtë e kërkon gjendja epidemologjike.
Gjatë ditës së djeshme u regjistruan 52 persona me coronavirus dhe 30 të shëruar. Prej rasteve të reja, 26 janë në Shkup, 6 në Kumanovë, Shtip 7, Tetovë 9, Strugë 2, Veles 1 dhe Koçani 1. Numrit të përgjithshëm i të diagnostifkuarve në Maqedoni që nga fillimi i epidemisë është 2.129 ndërsa 1.516 prej tyre janë shëruar dhe 126 kanë vdekur. Maqedonia momentalisht ka 487 raste aktive me Covid-19.
Filipçe paralajmëroi se mund të vendosen masa kufizuese në disa vende. Kjo është analizuar edhe në gjendje e Komisionit për Sëmundje Infektive por deri tani ende nuk ka nevojë për një masë të tillë.
Masa të karantinës mund të vendosen në komunat ku ka rritje të numrit të të infektuarve si Saraji, Çairi, Gazi Baba dhe Aerodromi./Telegrafi/