Ministria e Bujqësisë, Pylltarisë dhe Ujërave (MBPU) informon se ka marrë masa aktive për mbrojtjen e pyjeve nga zjarret. Nga MBPU njoftojnë se përveç masave të mëhershme me të cilat ndaluan rreptësisht lëvizjet në mal, kanë angazhuar persona fizik si kujdestar për pyjet, njofton Telegrafi Maqedoni.
Masat e veçanta për mbrojtje të pyjeve nga zjarri i zbaton MBPU në pajtim me Drejtorinë për mbrojtje dhe shpëtim, si dhe në bashkëpunim me vetëqeverisjet lokale.
Nga MBPU thonë se të gjithë personat e angazhuar japin gjithçka nga vetja për shuarje të shpejtë dhe efikase të zjarreve. Ministria gjithashtu njofton se ka forcuar komunikimin me institucionet tjera me qëllim të informimit të qytetarëve.
Ndryshe, zjarret në Maqedoni të cilët kanë shpërthyer ditëve të fundit janë bërë temë diskutimi edhe në seancat qeveritare, ku ka pasur akuza mes pushteti dhe opozitës./Telegrafi/