Një avion ushtarak u rrëzua në Qarkun Imperial të Kalifornisë pranë kufirit me Arizonën të mërkurën pasdite, duke lënë të vdekur katër persona.
Sipas medieve të huaja, përcjell Telegrafi, rrëzimi përfshiu një avion MV-22B Osprey, tha Sarah Marshall, një zëdhënëse e Krahut të Tretë të Avionëve Detarë, që operonte avionin.
Ndryshe nga raportimet në mediet sociale dhe thirrjet e hershme të radios prej vendit të ngjarjes nga reaguesit e urgjencës, nuk kishte materiale bërthamore në bord, deklaroi Marshall.
Avioni Osprey u rrëzua dikur afër Glamis Dunes, rreth rrugës së kanalit Coachella dhe autostradës 78.
Zjarrfikësit lokalë, zëvëndësit e sherifit dhe reaguesit e tjerë të urgjencës po ndihmonin Objektin e Ajrit Detar El Centro me rrëzimin.
Edhe pse zyrtarët ushtarakë ende nuk kanë dalë me një deklaratë zyrtare, një burim federal që foli në kushte anonimiteti tha se kishte pesë persona në bord, derisa katër kishin vdekur. /Telegrafi/
