Lidhja Automoto e Maqedonisë (LAMM) bën të ditur se për shkak të rrokullisjes së gurëve është bllokuar mbikalimi Manastir – Resnjë dhe si alternativë shfrytëzohet rruga nëpërmjet Manastirit, transmeton Telegrafi Maqedoni.
Për të njejtën arsye vazhdon të mbetet e bllokuar rruga Koçan – Dellçevë, dhe si alternativë përdoret rruga Vinicë – Smojmirovë – Dellçevë.
MPB njofton se probleme në komunikacion raportohen edhe në rajonin e Koçanit, pastaj në rrugën Berovë – Vinicë. Në magjistralen Kumanovë – Kirva Pallankë, në fshatin Stracin, gjithashtu janë shfaqur rrokullijse gurësh.
Apelohet për vëmendje të shtuar gjatë komunikacionit në drejtimet rrugore Katllanovë – Veles, Mavrovë – Dibër – Strugë, Gostivar – Mavrovë – Strazhë, Demir Kapi – Udovë, Vinicë – Berovë, Koçan – Dellçevë dhe Resnjë – Bukovë.
Komunikacioni zhvillohet në rrugë me lagështi, ndërkaq të rreshura dëbore të dobëta janë shfaqur në Kodrën e Diellit, ku komunikacioni nuk ka vështirësi./Telegrafi/