Qeveria e Britanisë së Madhe njoftoi të enjten se udhëtarëve nga Bashkimi Evropian, do t’iu duhet përsëri një pasaportë.
Qytetarët e Bashkimit Evropian do të kenë nevojë për një pasaportë sërish nga tetori i vitit 2021, në vend të kartës së identitetit që është akoma e vlefshme midis 27 anëtarëve të mbetur të Bashkimit, për të hyrë në Mbretërinë e Bashkuar, njoftoi gazeta qeveritare britanike.
Rregulli i ri vlen gjithashtu për pasagjerët nga Zvicra, Islanda, Norvegjia dhe Lihtenshtajni, transmeton Telegrafi.
Qeveria britanike vendosi për këtë veprim, duke pretenduar se kartat e identitetit janë më pak të sigurta.
Britania zyrtarisht u largua nga BE-ja në fund të janarit dhe aktualisht është në një periudhë tranzitore deri në fund të vitit, gjatë së cilës pak ka ndryshuar në terma praktikë.
Ai duhet të largohet nga tregu i brendshëm evropian dhe bashkimi doganor më 1 janar të vitit të ardhshëm, por ende nuk ka përfunduar një marrëveshje tregtare me bllokun evropian. /Telegrafi/