Portieri i Përfaqësueses së Kosovës, Samir Ujkani ka folur për mediat franceze rreth Përfaqësueses së Kosovës.
Kapiteni ynë foli hapur edhe për largimin nga Shqipëria, duke akuzuar edhe De Biasin që ishte pengesë për të.
“Nuk mund t’i kuptojë ata që më gjykojnë për largimin tim nga Shqipëria në Kosovë. Unë kam lindur në Kosovë, kam përjetuar luftën dhe kam dashur që ta ndihmojë vendlindjen time sapo më është dhënë mundësia”.
“Trajneri De Biasi ishte pengesë për kalimin tim te Kosova, mirëpo presidenti i Federatës, Armand Duka ma mundësoi kalimin. Mendoj që De Biasi u frikësua se të tjerët do ta ndiçshin rrugën time”, shprehet Ujkani.
Tutje Ujkani ka folur edhe për evropianin që e ka humbur me Shqipërinë, por thotë se është i lumtur tani te Kosova.
“Pas zgjedhjes që kam bërë e kam humbur kampionatin evropian dhe respektin e shumë njerëzve në Shqipëri, mirëpo tani jam i lumtur”.
“Unë i premtova babait tim se në momentin që do të kishte drejtë Kosova të luaj me lejen e UEFA-s do ta merrja këtë vendim. Nuk jam pishman për këtë zgjedhje”, tha Ujkani.
Djaloshi ka thënë se në ekipin e Kosovës është një atmosferë e jashtëzakonshme dhe se të gjithë djemtë e Përfaqësueses janë të lidhur shumë me vendlindjen. /Telegrafi/