Një person (referent) është arrestuar pasi ka sulmuar fizikisht një person tjetër (administrator) në Gjykatën Themelore, në Prishtinë.
Sipas raportit 24 orësh të Policisë së Kosovës ngjarja ka ndodhur të mërkurën rreth orës 15:10, në Pallatin e Drejtësisë, Prishtinë.
Siç thuhet në raport, i dyshuari me vendim të prokurorit është dërguar në mbajtje.
“Është arrestuar i dyshuari mashkull kosovar referent, pasi i njëjti ka sulmuar fizikisht viktimën mashkull kosovar administrator në Gjykatën Themelore Prishtinë. I dyshuari me vendim të prokurorit është dërguar në mbajtje”, thuhet në njoftim. /Telegrafi/