Pesë persona janë përfshirë në një rrahje, ku si pasojë një person ka marr lëndime të rënda trupore ndërsa katër të tjerët më të lehta.
Sipas raportit të Policisë së Kosovës, ngjarja ka ndodhur të enjten rreth orës 13:00, në Prizren.
Siç thuhet në raport, rrahja ka ndodhur pas një mosmarrëveshje mes dy familjeve, ndërkaq të lënduarit janë dërguar për tretman mjekësor në QKUK.
Tutje në raport thuhet se në vendin e ngjarjes, janë gjetur dhe konfiskuar dy shkopi të sëpatave.
“Pas një mosmarrëveshje ka ardhur deri te rrahja në mes dy familjeve, ku janë përfshirë pesë meshkuj kosovar. Si pasoj e rrahjes, viktima mashkull kosovar ka pësuar lëndime të rënda dhe është dërguar në QKUK për tretman, ndërsa katër të dyshuarit kanë pësuar lëndime të lehta. Në vendin e ngjarjes, janë gjetur dhe konfiskuar dy shkopi të sëpatave. Me vendim të prokurorit, tre të dyshuar janë arrestuar dhe dërguar në mbajtje, ndërsa tjetri është liruar”, thuhet në raport. /Telegrafi/