Gazetari britanik Nick Wallis ka shpërndarë pamjet e radhëve për të hyrë në gjykatën e qarkut Fairfax në Virginia, ku po zhvillohet gjyqi për shpifje i Johnny Depp kundër ish-bashkëshortes së tij, Amber Heard.
Në një video të publikuar përreth ndërtesës mund të shihen radhët e qytetarëve që shpresojnë të dëshmojnë në gjyq.
Sipas The Washington Post, 100 spektatorë mund të fitojnë të drejtën për të marrë pjesë çdo ditë në seancë, ndërsa disa madje ofrojnë të paguajnë për byzylykët e dikujt tjetër në mënyrë që ata të mund të jenë pjesëmarrës.
E hëna shënon fillimin e javës së tretë në gjyqin Depp kundër Heard dhe ditën e fundit të marrjes në pyetje të aktorit për këtë rast.
Welcome to the longest queue so far outside Fairfax County Court, Virginia for the beginning of Week 3 of DeppvHeard. Johnny Depp’s cross-examination is expected to conclude today. pic.twitter.com/50WJgZ3Zbg
— Nick Wallis (@nickwallis) April 25, 2022
Ylli i “Pirates of the Carribean” e ka paditur aktoren – me të cilën u shkurorëzua në vitin 2016 – për shpifje për shkak të një tregimi të publikuar në vitin 2018, ku ajo la të kuptohej se ai e kishte abuzuar me të.
Depp kërkon 50 milionë dollarë dëmshpërblim për një kolumne që pretendon se ka ndikuar drejtpërdrejt në karrierën e tij në Hollywood.
Heard, nga ana tjetër, ngriti një kundërpadi, duke e akuzuar aktorin për gjoja orkestrimin e “fushatave shpifëse” kundër saj dhe duke e përshkruar padinë si një vazhdimësi të “abuzimit dhe shqetësimit. Ajo kërkon 100 milionë dollarë dëmshpërblim, si dhe imunitet nga pretendimet e Depp.
Hamshori hollivudian dëshmoi për një fëmijëri traumatike me një nënë të dhunshme, duke pretenduar se marrëdhënia e tij me Heard e reflektonte këtë. Ai gjithashtu e akuzon atë për keqtrajtim ndaj tij.
Gjyqi i profilit të lartë, i cili aktualisht transmetohet drejtpërdrejt në Court TV, ka tërhequr vëmendje të konsiderueshme në rrjetet sociale që prej fillimit të tij më 19 prill, madje ka shkaktuar edhe prodhimin e gjësendeve të ndryshme me motive gjykimi. /Telegrafi/