Këngëtarja e njohur shqiptare, Rovena Dilo, është mjaft aktive në rrjetet sociale.
E teksa shpesh promovon projektet e saj muzikore apo emisionet, Dilo nuk heziton që herë pas here të ndajë me ndjekësit edhe fotografi apo video nga përditshmëria.
Së fundmi, ajo publikoi për afro 70 mijë ndjekësit e saj në Instagram disa fotografi nga pushimet verore, të cilat po i kalon në bregdetin grek.
E teksa publikoi disa imazhe në bikini, ajo çfarë mori vëmendjen e fansave ishin linjat trupore të Rovenës, e cila duket mjaft fine dhe në top formë.
Këngëtarja e hitit “Rrëfimi” tregoi me krenari trupin e saj të përsosur në një palë bikini të zeza dy pjesëshse.
Ndonëse i ka kaluar të pesëdhjetat, Dilo duket tejet elegante dhe vitale – kjo edhe falë angazhimit të saj sportiv.
Përndryshe, kënga e fundit që Rovena solli për fansat e saj ishte “Meduza” e publikuar tetorin e kaluar. /Telegrafi/
