Kryetari dhe donatori kryesor i Rotary Club Peja, Neshad Asllani, ka ftuar Rotarianët në Pejë, të shijojnë bukuritë e qytetit dhe së bashku me Rotarianët Pejan të shqyrtojnë mundësitë për bashkëpunimin në projekte të përbashkëta Rotary.
Takimet e Rotary Club Peja mbahen çdo të Premte në ora 19:00, në Hotel Dukagjini.
Pejës i këndohet për bukuritë e saj, e quajnë Lule e Dukagjinit, por i këndohet edhe për Rotary.
Në këngën “Eja në Pejë” ftohen Rotarianët në Pejën e bukur, të njohur edhe si qyteti Rotary.
Kënga ‘Eja në Pejë’ është dhuratë unike dhe domethënëse e Rotary Club Prizren për Rotary Club Peja, e realizuar nga Rotariani tani i ndjerë Prizrenas Agron Shporta, në interpretim të artistit Prizrenas Haxhi Kuqani.
Kënga “Eja në Pejë”, Parku Rotary në pjesën më frekuentuese të qytetit, Monumenti Rotary në qendër të qytetit dhe afër Nënës Tereze janë frymëzim për miq Rotarianë të shumtë dhe vizitorë nga mbarë bota gjatë vizitës së qytetit të bukur buzë Lumbardhit.
Rotary International është organizatë shërbyese humanitare e cila bashkon liderët në biznes dhe profesion për të ofruar shërbime në komunitet, për të promovuar integritetin dhe për të avancuar vullnetin e mirë, paqen dhe mirëkuptimin në botë. Rotary është organizatë jopolitike dhe jofetare./Telegrafi/
