Ronela Hajati po punon intensivisht që të sjell sa më parë klipin e këngës përfaqësuese të Shqipërisë në “Eurovision”.
Këngëtarja e njohur përmes disa postimeve në Instagram publikoi së fundmi prapaskenat e xhirimit të klipit “Sekret”, që pritet të lansohet në fillim të muajt mars.
“Duhet të bëjmë një njoftim për daljen e prapaskenave të “Sekret” Sa interesante dhe qesharake sa nuk e keni idenë”, ka shkruar Ronela në mbishkrimin e videos ku shihet në prapaskena e xhirimeve bashkë me ekipin.
Ndërkaq, krahas realizimit të klipit, Ronela tha se mbetet e angazhuar edhe me koncerte, prova dhe projekte tjera që kanë në plan t’i sjell.
“Sekret” është ende në montazh dhe ditët e para të Marsit (ende nuk është vendosur) do të publikohet! Po bëhet një punë shumë e madhe përditë dhe mbi gjithë stresin, projektet e tjera që kam, koncertet, provat, xhirimet, në fund për asgjë nuk jam pishman! Ju dua!”, ka shkruar Ronela në një tjetër postim.
Kujtojmë që “Eurovision 2022” do të zhvillohet në “Pala Olimpico Arena”, të Torinos, më datë 10, 12 dhe 14 maj. /Telegrafi/