Ronaldo u ndëshkua pas goditjes në kokë dhe rrëzimit të kundërshtarit në tokë në stilin e një luftëtari të UFC

Cristiano Ronaldo tregoi aftësinë e tij për të rrëzuar një njeri në tokë në një luftë të stilit UFC, teksa fitoi një ndëshkim me karton të verdhë në humbjen e Al Nassr ndaj Al Hilal.

Jo gjithçka po shkon aq lehtë sa pritej për Ronaldon, pasi ai u transferua në Arabinë Saudite në fillim të vitit, duke i dhënë fund kohës së tij në krye të sportit.

Ndërsa ka shënuar 11 herë në 11 ndeshje për klubin e tij në Arabinë Saudite, ai tashmë ka arritur të shkarkojë trajnerin Rudi Garcia.

Kjo erdhi javën e kaluar, pasi pesë herë fituesi i Topit të Artë nuk kishte arritur të shënonte në një ndeshje që duhej fituar kundër Al Feihas, teksa ata përpiqen të rrëzojnë liderët e ligës Al Ittihad.

Lexo po ashtu Zyrtare: Al Nassr shkarkon Rudi Garcian, raportohet për marrëdhënie të tensionuar me Cristiano Ronaldon

Pas asaj loje, 38-vjeçari u përlesh me një kundërshtar, pasi ata ndanë disa fjalë mjaft të zemëruara pas vërshëllimës së fundit, përpara se ai të zbriste në tunel.

Më pas, Al Feiha e talli ish-yllin e Manchester Unitedit, duke përdorur fotografinë para Kupës së Botës, ku Ronaldo luan shah me Lionel Messin.

Humori i tij nuk u përmirësua as të martën, pasi Al Nassr sërish humbi pikë, këtë herë në nga rivalët e mëdhenj, Al Hilal.

Përveç humbjes dhe dështimit të tij për të shënuar, sulmuesi gjithashtu u ndëshkua me karton të verdhë pasi goditi një kundërshtar në kokë, përpara se ta rrezonte në stilin e një luftëtari të UFC.

Interesante e gjithë kësaj ishte se u vë re se Michael Oliver ishte gjyqtari që dha kartonin e verdhë, pavarësisht se ende punon si gjyqtar në Ligën Premier.

Niveli më i lartë në Arabinë Saudite shpesh sjell më shumë gjyqtarë të profilit të lartë nga jashtë vendit për të gjykuar në ndeshjet e tyre më të mëdha. /Telegrafi/