Cristiano Ronaldo kryeson listën e personaliteteve më të ndjekura në rrjetet sociale, ashtu që publikimet e tij gjithmonë marrin vëmendje të madhe.
Krahas të qenit një prej futbollistëve më të mirë në qarkullim, portugezi është edhe një personazh shumë i famshëm në gjithë botën.
Ai ndoshta është 34 vjeç, mirëpo vazhdon të ketë një fizik të jashtëzakonshëm dhe këtë e ka dëshmuar përmes një postimi të ri në Instagram.
Në një fotografi që e ka publikuar pas përfundimit të kampionatit italian të futbollit, CR7 i ka vënë në pah muskujt e tij duke dëshmuar se është formë të fantastike kur është fjala për gjendjen e tij fizike.
Superylli portugez nuk e ka shoqëruar me ndonjë mesazh postimin e tij, i cili ka kaluar shifrën prej 7.5 milionë pëlqimesh brenda 20 orësh. /Telegrafi/